Biltzarra

Euskadiko Endokrinologia, Diabetes eta Nutrizioko Elkartearen XXVII. Biltzarra

Donostia/San Sebastián, Barceló Costa Vasca Hotela.

Lankide eta lagun agurgarriok:

Mezu honekin, agurtu eta SEDyNEren XXVII. biltzarrera gonbidatu nahi zaituztegu. 2026ko martxoaren 6an egingo da, Donostian.

Urruti gelditzen da jada gure elkarteak 1997ko otsailean Bilbon egin zuen lehen biltzarra.

Une egokia da gure erkidegoan endokrinologia bultzatu eta SEDyNE sortu zuten pertsonak aintzatesteko. Prestakuntza bikaina eta esperientzia handia duten profesionalak dira, konprometituak, eta guretzat erreferenteak hasierako une haietan. Oroit ditzagun gure artean ez daudenak.

Hala, endokrinologia eta nutrizioa bultzatu ziren, eta hazkunde progresiboa izan dute. Atzera begira hazkunde oso arrakastatsua izan dela esan dezakegu; izan ere, hari esker, espezialista ugari sartu dira gure erkidegoko ospitale guztietan.

Jardunaldi interesgarria prestatu dugu. Zuen iradokizun asko hartu ditugu kontuan programa prestatzerakoan. Gure ustez, elkarteko kideei hitza emanda, aberastu egingo gara eta gure ospitaleetan garatutako esperientzia berritzaileak partekatu ahal izango ditugu. Zuetako gehienok ordezkatuta egotea nahi izan dugu.

SEDyNE gaztetu egin da bide luze honetan, eta espezialista berrien prestakuntzak etengabe egin du gora. Espezialitatearen etorkizuna ziurtatuta dago eta esku onetan geratzen da. Prozedura teknologiko gehiago txertatzea etorkizuneko erronka da gure zerbitzu-zorroan, eta belaunaldi berrien lidergoarekin posible izango da.

Eskerrak eman nahi dizkiegu biltzar hau babesten duten enpresei. Haien laguntza ekonomikorik gabe, ezinezkoa izango zen biltzarra egitea. Eskerrik asko TISAri laguntza logistikoagatik.

Gure helburu eta nahia, zuen formakuntzarako eta gure arteko harremanetarako gune eta jarduera batez gozatzea da.

Laister arte. Donostian ikusiko dugu elkar.

Alfredo Yoldi Arrieta
Batzorde Antolatzailearen Presidentea